Kalaallit oqaluttuatoqaat pillugu meeqqanut atuakkiaq

Qilaap putua kalaallit oqaluttuaatitoqaannit oqaluttuareqqitaavoq, pineqarluni anaanaq ernerminik marlunnik annaasaqartoq toqusullu nunaannukartoq ilagileqqikkumallugit. Arnarli toqusimannginnami qilaap putua nassaarigamiuk paarngorluni iserfigaa. Tassani aanatoqqani naapippaa. Tasiorlutillu ingerlaqqipput.

Atuakkap imarisaa oqaluttuareqqissanngilarput, namminermi atuarneqarsinnaavoq.

Oqaatsit amerlanngitsut assiliartallu imaannaanngitsut atorlugit oqaluttuaq attortinnartoq oqaluttuarineqarpoq. Pingaarnertut oqaatiginiarneqarpoq inuugallartilluni angorusunnerpaasat anguniarnissaat maangaannartinneqassanngitsut. Aammali pineqarpoq inuunermi atugasarititaasut atorneqartariaqartut qanorluunniit oqimaatsigigaluarpata.

Atuakkiortup assiliartalersuillu peqataaffigisaannik Katuami ippassaq atuakkamik saqqummersitsinersiortoqarpoq.

-Aaqqissuussinerput ornigarneqarluarpoq, tassanilu aamma oqaluttuarineqarpoq assiliartalersuisup atuakkiortullu akornanni qanoq suleqatigiittoqarsimanersoq. Aammattaaq atuakkami assitaliussanut titartakkat takuagut Mike Thomsenilu qilaatersorluni aliikkusersuisinneqarluni. Atuakkap oqaloqatiginnilluni katsorsaanermut atorneqarsinnaanissaa neriuutigaarput, imminummi suliarinermut aliasuuteqarlunilu inuunermi ingerlaqqinnissamut tunngasuummat, Milik Publicingip pisortaa Lene Therkildsen oqaluttuarpoq.