Kalaallit oqaasiinik ilinniartitsineq iluatsippianngilaq

- Ilisimasakka napertorlugit oqaatsinik ilinniatitsinermi periaatsit assigiinngitsut iluaqutaanersut misissuiffigineqarnikuunngillat. Tamatumalu qulaajarneqarnissaa kissaatigeqaarput, pissarsiaqaatiginermi  ajukkatsinnut aningaarpassuit atortuarnissaat pisiariaqanngilaq, Michael Rosing oqarpoq.

Kalaallit kalaallisut oqaaseqanngitsut kalaallisut ilinniartinnerannut aningaasat atorluarneqarsinnaanerugaluartut, isumaqarpoq.

- Qallunaat nunatsinniittut kalaallisut ilinniartinnerannut aningaasarpassuit atortarpavut. Isumaqarpugut kalaallit kalaallisut ilinniartinnerannut aningaasat amerlanerusut atorneqartariaqartut. Michael Rosing oqarpoq.

Michael Rosing-p oqaatigaattaaq kalaallisut ilinniartitsissutigineqartartoq pitsaanerusinnaasoq; ulluinnarni kalaallisut oqaatsit atorneqarsinnaasut ilinniartitsissutigineqartariaqarput.

- Tappavani pikkorissaanerni ulluinnarni atorneqarsinnaasut siulliullugit ilinniartitsissutigineqartassasut isumaqarpugut. Nalunngilara piffissap annerpaartaani oqaasilinerineq sammisaqigaat, isumagali malillugu taanna kingulliunneqartusssaagaluarpoq. Oqaatsinik pikkorissartut ulluinnarni atorsinnaasanik ilinniartassasut isumaqarpugut. Asserrsuutigalugu Kalaalimineerniarfimmut pisiniassaguit saarullik suluppaagarlu qanoq taasarnerat nalunngittariaqarpat. Aamma oqaatsimi Pisiffik-mi uiguut -fik qanoq isumaqarpa? Michael Rosing oqarpoq.