Kalaallit Nunaata siunissaa titartarneqarpoq

- Nuuk qitiusumik nunatta avataaninngaanniit isaaffinngornissaa, kiisalu Kangerlussuup matuneqarsinnaanera, Ilulissanilu mittarfiliortoqarnissaa kiisalu kujataani qaqortup qitiusumik mittarfittaarnermigut kujataani qitiusumik angallavinngornissaa maluginiakkama pingaarnerit ilagaat, Sten Lund oqarpoq.

Isumalioqatigiissitallu isumaliuutissiissutaani saqqummiunneqartut ilaannit Sten Lundip tunngaviusinnaasoraa Nuummit angalasartut amerlanerunerat pillugu taamatut siunnersuusiortoqarsimasoq. Avannaatalu inuttussusaa takornariaqartarneralu annertuumik tunngavigalugit Ilulissat mittarfiat tallineqarsinnaanissaanut siunnersuusiortoqarsimasoq.

- Kiisaalu aamma kujataani inuit puijorneqanngillat. Taakkumi Qaqortumi qitiusumik mittarfittaarnissaq aamma siunnersuutaavoq, Sten Lund oqarpoq.

Isumalioqatigiisitalli saqqummiussai piviusunngortinneqarsinnaanerput?

- Ilai piviusunngorsinnaapput ilaallu imaaliaallaannarlutik piviusunngortsinneqarsinnaanatik. Isumaqarpungalu inuiaqatigiit politikkerinik tusarniarneqartariaqartut. Isumalioqatigiissitap isumaliutissiissutaani saqqummiussineq Nunatsinnut siuariaataassasoq Sten Lund isumaqarpoq.

- Tassa nunatta siunissaa titartarneqartutut isikkoqalerpoq, Sten Lund naggasiivoq.