Riskær: Kalaallit Nunaata namminiilivinnissaata oqallisigineqarnera tamarmi unitsilli
- Kalaallit Nunaat aqussavarput. Kalaallit Nunaat danskit kinaassusaannut ilaavoq, nunatsinnut ilaavoq, taamaammat nakkutiginissaa pingaaruteqartorujussuuvoq. Suliaqarneq taanna pingaartorujussuuvoq. Kalaallit 50.000-iusut tamanna aalajangissanngilaat, Klaus Riskær Pedersen Altinget Arktis oqarpoq.
Inuussutissarsiortup politikerillu partiimit imminit taaguuserineqarsimasumit Folketingimut sassartup taamaalilluni Kalaallit Nunaata namminiilivinnissaa akuerinngilaa.
AAMMA ATUARUK Kalaallit Nunaat Danmarkimut ataannassaaq
Tassungalu taarsiullugu danskit naalagaaffiat nunatsinnut akiliinerusariaqartoq taanna isumaqarpoq, taamaalillunilu kalaallit danskisut ‘ilanngutivitsinneqarsinnaassallutik’.
Minnerunngitsumillu Riskær USA-mut sukateriniarpoq, atugassarititaasunillu pitsaanerusunik USA-llu Pituffimmiinneranut akiliuteqartitsinissamik piumasaqarniarluni.
Matumani ilaatigut USA-p præsidentiata Donald Trumpip Danmark NATO-mut aningaasaliinikinnerarlugu qasseeriarluni isornartorsiuisarneranik ilaatigut tunngaveqarpoq.
Uanga tassani issiasuuguma, ima oqassagaluarpunga: Trump maannakkut nipanginngikkuit sakkutooqarfik taanna matussaaq. Taava matuppat puullaaqilissaatit, Riskær oqarpoq.
AAMMA ATUARUK Illersornissaqarfik Folketingimit amerlanerusunik aningaasaliiffigineqartoq
