VM-mut anngunniunneq: Kalaallit Nunaat USA-mut ajorsarpoq

Angutit assammik arsarlutik nunanut allanut unammisartut VM-mut anngunniarlutik USA-mut ippassaq unnukkut unammigamik ajorsarput.

Kalaallit assammik arsartartui amerikamiullu unamineranni immikkoortumi siullermi naligiittarput, immikkoortorlu siulleq naammassimmat naligiipput tamarmik 15-nik isertitaqaramik.

Unamminerup immikkoortuata aappaani amerikamiut siuarput unamminerlu naammassimmat amerikamiut 32-nik isertitaqarlutik ajugaapput, kalaallit 30-nik isertitaqartut.

Kalaallit assammik arsartartuat Mink Dahl Høegh unamminermi isertitaqarnerpaagami arfineq pingasunik isertitaqapoq, VM-mullu anngunniunnermi unamminerni tallimani 33-nik iseritaqarluni kalaallit arsartartuini isertitaqarnerpaavoq,

Kalaallit USAmut ajorsaramik bronzinnanniunnermut unammissapput, tamannalu pissaaq unnugu aamma amerikamiunut unamissallutik.

Kalaallit Amerikamiullu assammik arsartuisa bronzinnanniullutik unamminerat KNR2-mi unnugu arfineq pingasunut isiginnaarneqarsinnaavoq.

Cubamiut Mexicomiullu guldinnanniutissapput.