Kalaallit Nunaat, USA Danmarkilu Præsidentip Illorsuani aqagu pingasunngornermi nalunaaqutaq 13.30 ataatsimiissapput

USA pillugu suliami, Kalaallit Nunaannik tiguaaniarluni kissaateqartoq, naak nunat iligiikkaluartut artornarnerpaaffianiissangatillugu, Ministeriuneq Mette Frederiksen (S) tusagassiortunut marlunngornermi sassarnermini aallaqqaasiutitut oqaatigaa.

Artornarnerpaaffiusinnaavorlu, Præsidentip Illorsuani Danmarkip Kalaallit Nunaatalu USA Amerikap nalunaaqutaa malillugu 10.30 Kalallit Nunaatalu nalunaaqutaa malillugu 13.30 pingasunngornermi ataatsimiilerpata.

DR-i tusakkaminik allappoq. Piffissaliussarli allannguuteqarsinnaavoq, soorlu ataatsimiinnissamut peqataasussat allanngornerisut.

Danskit nunanut allanut tunngasunut ministeria Lars Løkke Rasmussen Kalaallit Nunaannilu Nunanut allanut tunngasunut Naalakkersuisoq Vivian Motzfeldt USA-p nunanut allanut tunngasunut ministeria Marco Rubio ataatsimeeqatigissagaat pilersaarutaaqqaaraluarpoq.

Pilersaarutilli allanngorput, USA-p præsidentiata tullersortaa J.D. Vance peqataaniarluni marlunngornermi nalunaarmat.

Taamaalilluni ataatsimiinnermut Præsidentip Illorsuani pisussamut qaaqqusisuulerpoq. 

Kalaallit Nunaata Danmarki toqqaraa – USA-junngitsoq

Pisoq ataqatigiinnermut tunngasoq, Ministeriuneqarfimmi tusagassiortunut sassarnermini Naalakkersuisut siulittaasuata Jens-Frederik Nielsenip erseqqissaatigaa.

- Pisumi matumani ataatsimoorpugut. Kunngeqarfimmi Danmarkimi ataatsimoorpugut. Inimut ataatsimiiffissatsinnut peqatigiilluta isissaagut, Amerikamiut peqatigiilluta oqaloqatigissavagut, ataatsimiinnissaq pingasunngornermi pisussaq pillugu oqarpoq.

Kalaallit Nunaata Danmarki maanna toqqarpaa USA-junngitsoq, taanna oqarpoq. 

Erseqqissaavoq nunatsinni politikereqartoq maannakkut pisut tunngavigalugit nunatsinnut tunngasunik politikimik oqaluuserisoqartillugu qinersisartunut erngertumik namminersulernissatsinnut kajumissaarisunik. Isumaqarporlu nunatsinnut pisunut oqaluuserinnittoqartillugu tamanna piffissaanngitsoq avissaartuutitsinerusorlu.

Nunanut allanut tunngasunut ministerit ataatsimiinnissaannut J.D. Vancep peqataanissaa “tiimialuit sioqqullugit” Mette Frederiksenip paasisimallugu oqarpoq. Tassa ullorulernerani.

Mette Frederiksen ataatsimiinnissami allannguisoqarnerani sooq nammineq USA-mut angalassannginnersoq aperineqarami akissuteqanngilaq. 

/ritzau/