Kalaallit Nunaat Odensemi saqqummersinneqartussanngortoq
Carsten M. Pedersen ullukkut qaammarisseruttorneranni qalipaateqanngitsunik assinik oqaluttuarpalaartunik assiliisaqattaartarsimavoq.
-Kalaallit Nunaat misigisassarpassuaqarfiuvoq kusanarluinnartunillu avatangiiserpassualik, aallanngitsiarlunga imminut neriorsorpunga tikeraarninnut atatillugu assinik kalaalerpalaartuunngitsunik angisuunik assiliissallunga, assinilu pinngortitarsuaq qanoq kusanartigisoq takunnittussanut takutikkusussimavara tamannalu iluatsilluarmat, Odensemi eqqumiitsuliornermut illuarsuarmi saqqummersitsisussanngorpunga, Carsten M. Pedersen knr.gl-mut oqarpoq.
Saqqummersinneqartussallu takuniaasussat qanoq qisuariarfigissaneraat pissanngatigineqarpoq.
- Suleqatigalugu marluulluta suleqatigiilluta saqqummersitsisussanngorpunga, assit aalajangersimasuinnarnik amerlassuseqartut saqqummersinneqartussaammata immaassiinnaavoq aningaasarsiutaasinnaasut. Kisianni qularutissaanngilaq assiliinermik atortukka nassarlugit Kalaallit Nunaannukaqqinnissara, sulimi assilisassarpassuaqarpoq, assiliisartoq, Filosoffen i Odensemi saqqummersitsissamaartoq, Carsten M. Pedersen oqarpoq.