Kalaallit Nunaanni Timersortartut Kattuffiat nutaamik nittartagartaarpoq

Nunatsinni Timersortartut Kattuffiata 2013-imi ukiunik 60-inngortorsiornera ukiup ingerlanerani malunnartinneqartassaaq, marsillu 4-ni aamma nittartagaq nutaaq atulerlugu. Kattuffiup sulissutigisai neqeroorutaalu nittartakkakkut erseqqarinnerusumik saqqummiunneqartassapput.
Allattoq Peter Troelsen
marsip 07-at 2013 08:38

Nittartagaq ilusilersorluagaangami ujarlerfigiuminarpoq, kattuffiullu neqeroorutaasa qanoq periarfissiinerat takujuminarluni. Nutaarsiassartaavoq paasissutissat tulleriaarlutik aaqqissugaangamik ujarlergiuminarnerat. Allanut pingaarutilinnut linkit aamma saqqaaniit iserfigineqarsinnaapput.

-Nittartagaq suli pitsanngorsarparput soorlu toqqaannartumik qinnuteqaateqartoqarsinnaanngorlugu ilaasortallu toqqaannartumik aamma nalunaarsuiffiliorsinnaassallutigit.
Anguniagarput tassaavoq, illit atuisartutut, nittartagaq imaluuniit Facebook aqqutigalugit Kalaallit Nunaanni timersortarnerup qanoq siuarsarneqarnera pillugu paasissutissinneqarsinnaanissat, Kalaallit Nunaannit Timersortartut Kattuffiannit Lauritz Heilmann oqarpoq.

Facebook aqqutigalugu nittartakkami pilersinniakkat paasissutissiissutigineqartassapput, unga aqqutigalugu: www.facebook.com/pages/GIF-Kalaallit-Nunaanni-Timersoqatigiit-Kattuffiat/146234972146105

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq