Kalaallit Nunaanni sisamanik Disc golfertarfeqalilerpoq
Aasaq ungasikkunnaarpoq.
Silagissullu ilorrutigisimaannginnissaanut utoqqatsissutissat annikilleqqipput, tassami disc golferfissat qulingiluanik ikisiffissartallit Qaqortumi, Nanortalimmi, Narsami Aasiannilu pilersinneqalerput.
Timersuut golfimut eqqaanartorujuuvoq.
Discimik iperaasarnermik koorimut kalunnertalimmut ikisiniaasarneq anaalerummut arsaaqqamullu taarserneqarput.
- Disc golf pinnguaatigineqartassaaq golfitulli inatsisilimmik, ikisiffiginiagaqartarlutillu aallartiffeqartassaatit. Frisbee ikinnerpaanik miloriullugu koorimut ikiniarsarineqartassaaq. Unammiffinnilu qulingiluani ikinnerpaamik milorujussinikoq ajugaassaaq.
Kalaallit Nunaanni pilersitsinissamik aarlarnisaaqataasimasoq Martin Spliid, suliffeqarfiutini FrisbeeSport aqqutigalugu oqarpoq.
Kikkunnut tamanut akeqanngilaq
Qaqortumi unammisarfik ammareerpoq, taamaattumik kammalaatitit ilaquttatillu pinnguaammi disc golfimi unammillersinnaanngoreerpatit.
Nanortalimmi Narsamilu unammisarfiit sapaatip akunnialui ikkussorneqareerpata ammarumaarput.
Aasianni ammaanissaq unammisarfissap aputaarunnissaata sermeerunnissaatalu tungaanut kinguartinneqarpoq.
- Pinnguaat annerusumik minnerusumillu ukiup ingerlanerani atorneqarsinnaavoq. Aputeqalaartumi pinnguaat atorneqarsinnaavoq, taartumiikkaannilu diskimik taartumi qaamasartumik pissarsisoqarsinnaavoq, Martin Spliid nassuiaavoq.
Taassuma aamma oqaatigaa Qaqortumi, Nanortalimmi Narsamilu Brugseni diskinik aallartisaataasinnaasunik tuniniaallutik aallartissimasut.
- Naluara maani qanoq akeqartinneqassanersut. Kisianni Danmarkimi diskeq ataaseq 100 koruuninit 200 koruunit tungaanut akeqarput.
