Dansk Folkeparti: Kalaallit Nunaanni naammaginanngitsumik ingerlatsisoqarpoq

Christiansborgimi aqagu tallimanngornermi politikerit oqaluuserisassassaannut ilaavoq Kalaallit Nunaat namminersortoq. Kalaallit Nunaanni aningaasaqarnikkut pissutsit naammaginanngitsumik ingerlanneqarnerarlugit Dansk Folkepartip Folketingimi ilaasortat isummertikkusukkaat partii KNR-imut nalunaarpoq.

Kalaallit Nunaanni namminersorlutik oqartussat mittarfinnut nutaanut pingasunut fire milliarder korunninik atuiniarnerat Dansk Fokepartip assorsuaq isornartoqartippaa.

AAMMA ATUARUK Espersen: Kalaallit politikerii namminiilivinnissamit tappiillisinneqaqqapput

Taamatut aalajangernerup kalaallit aningaasaqarnerata ajutoornissaa qanillitiinnassagaa, Dansk Folkepartip Folketingi isummertillugu tallimanngornermi tapersiitikkusuppaa.
- Folketingip ajuusaarutigaa Namminersorlutik Oqartussat inuiaqatigiinni ilusilersuinissami unammilligassanut aaqqiinissamut piumassuseqarpasinngimmata piginnaasaqarlutilluunniit; taamaattoqarneranilu politikerit nuimasut nukitik tamaasa atorlugit namminersornermik eqqussiniarsaritillugit;  aalajangiiffigisassatut siunnersuummi taama allassimasoqarpoq.
Ministeriuneq Lars Løkke Rasmussen Dansk Folkepartiip isornartorsiuinerminut akeqqusimavaa.

AAMMA ATUARUK  Aningaasanut inatsit naalagaaffimmit tapeqartariaqarnermut takussutissiivoq

Dansk Folkepartiip aamma paaserusuppaa Kalaallit Nunaat qaqugukkut Naalagaaffeqatigiinniit anisimasutut nalunaarutigineqarsinnaanersoq, tamatumalu kingorna qanoq sivisutigisumik Danmarkip Kalaallit Nunaannut ukiumoortumik tapiissutit koruunit 3,7 milliardiusut akilersuinnassanerai.
Oqallinnermi Tunngaviusumik inatsisissaq pillugu isumalioqatigiissitap suliai aamma Løkkip nalunaajassavai.

Oqallinneq Folketingip nittattagaani toqqaannartumik kingusinnerusukkulluunniit malinnaaffigineqarsinnaavoq.

AAMMA ATUARUK Mittarfiliortiternermut aningaasalersueriaasissaq atoqqunngikkaa

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat