Assi: Mittarfeqarfiit

Naalagaaffiup aningaaserivissua: Kalaallit Nunaanni mittarferujussuaq ataaseq naammappoq

Arlariinnik mittarfissuaqalernissaq imminut akilersinnaanngilaq. Amigartoorutillu Namminersorlutik Oqartussat matussusertariaqassagaat Naalagaaffiup aningaaserivissuata nunatta aningaasaqarnera pillugu misissuereerluni naliliivoq.

Nunanit allaneersuniit arlalinnik mittarfeqarnissamut nunarput mikivallaarpoq. Mittarfiliortitsinissamulli suliniutit politikkerinit salliutinneqassappata akisunaarneqarsinnaavoq.

Naalagaaffiup aningaaserivissuata nunatta aningaasaqarnera pillugu misissuereerluni taama naliliivoq.

AAMMA ATUARUK Naalagaaffiup aningaaserivissuata nunatta aningaasaqarnera ernumanartoqartikkaa

- Kangerlussuarmiittoq atorunnaaraluarpat Nuummi mittarfissuartaarnissaq imminut akilersinnaanerareerpaat. Taamanili suna allanngorsimanersoq maannamut takujuminaappoq, Naalagaaffiup aningaaserivissuani nunatta aningaasaqarnerani misissueqataasoq siunnersortaasorlu Anders Møller Christensen oqarpoq.

Nunatsinni mittarfissuarnik marlunnik mittarfeqalernissaq, tassa Nuummi Ilulissanilu, Kangerlussuarmi mittarfik atuinnarlugu, saniatigullu Qaqortumi mittarfittaarnissamik polikerit suliniuteqarput.

Tamannali akilersinnaanngitsoq Anders Møller Christensen oqarpoq.

AAMMA ATUARUK Kalaallit Airports lander totalrådgiver

- Kalaallit Nunaannukartartut aallartartullu eqqarsaatigalugit ikippallaarput. Mittarfiliornialikkersaarnerillu imminnut akilersinnaanerat takujuminaappoq.

Angalasukippallaaraangammi billetsit akisunerulersinnaasarput. Mittarfiliortitsinissamullu aningaasaliissutit matuneqassappata billetsit akisoorujussuusariaqarput.

Angalasulli akiliutaat naammanngippata aningaasartuutinut matussusiinissamut periarfissaq ataasiinnanngussaaq:

- Namminersorlutik Oqartussat avaqqunneqarsinnaanngillat. Aningaasartuutimmi matussuserneqarnissaat Namminersorlutik oqartussanit qulakkeerneqarsinnaanngippat aningaasaliiumasoqarunnanngimmat.))

AAMMA ATUARUK Kalaallit Airportip mittarfissanut pilersaarutai ingerlalluartut

Ilaasoqassuseq iluamik naatsorsorneqanngitsoq mittarfiliortitsinissamik aalajangerneq ajornartorsiutaasoq Anders Møller Christensenip aamma erseqqissarpaa.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat