Kalaallit Airportip mittarfissanut pilersaarutai ingerlalluartut
Kalaallit Airport A/S-ip Nuummi, Ilulissani Qaqortumilu mittarfinnik nutaanik sanaartornera pilersaarut malillugu ingerlavoq. Suliffeqarfik tusagassiutinut taama allappoq.
Allattoq Mads Pedersen
maajip 09-at 2017 14:49
Nutserisoq Connie Fontain
Tamanna ilutigalugu Kalaallit Airport A/S nittartagakkamik pilersitsivoq, tassanilu Qaqortumi, Ilulissani Nuummilu mittarfinnik sanaartornerup qanoq ingerlanera soqutiginnittunit malinnaaffigineqarsinnaalerluni.
- Suliassaq siumut ingerlanera aamma ingerlatat pillugit tamanut attaveqaqateqarneq nukittorsarniarlugu, ingerlatseqatigiiffik maannakkut nittartakkamik saqqummersitsivoq, tassani ingerlseqatigiiffik sulissat pillugit tamanut ingerlaavartumik ilisimatitsissuteqartassalluni, Kalaallit Airport A/S allappoq.
Mittarfissanik takunninnissamut soqutiginnittut saqqummiunneqarsimasunik uani takunnissinnaapput.
