Kalaallit Nunaanni Angalatitsivik 2015-imi angusarissaartoq
Angusat ilimagisamit pitsaanerupput, ingerlatat 2014-imut naleqqiullugu 5 procentinik amerleriarsimanerat pissutaalluni. Kalaallit Nunaanni Angalatitsivik tusagassiuutinut nalunaarummi taama allaaserisaqarpoq.
Angalatitsiviullu angusarissaarnera pisortaanerup Peter Bastrupip tupinnanngitsumik nuannaarutigaa:
- Suliniutit assigiinngitsut 2014-imi aallartissimasatta kingunerisaanik angusarissaarpugut. Kalaallit Nunaanni qaffariaat 4 procent missaaniippoq. Tassuunalu niuernerput ingerlalluarpoq, pisortanut inuinnarnullu kiffartuussinerit qaffariaateqarsimallutik, Peter Bastrup tusagassiuutinut nalunaarummi ilaatigut taama allaaserisaqarpoq.