Kalaallit kulturiat oqaatsini arfineq-marlunni
Atuakkap kalaallisut, qallunaatut, tuluttut, tyskisut, franskisut aamma Tjekkiamiusut saqqummersinneqarnermi saniatigut, atuagaq kalaallit kulturiannik sammisaqartoq maanna Spaniamiusut saqqummerpoq, Nutserisuulluni Natalia Moreno Christoffersen, Narsarsuarmi takornariartitseqatigiiffimmit Blue Ice Explorerimeersoq.
Takornariat Spaniamiusut oqaluttut amerliartuinnartut, ingammik Kujataaliartartut, Ole G. Jensenip takornarianut atugassanngorlugu atuakkiaata nuannarineqaqisup Spaniamiusut saqqummersinneqarnissaa ujartortarpaat. Nutserisinnaasumillu piukkunnartumit neqeroortoqarmat, naqiterisitsisarfik Milik Spaniamiusut saqqummersitsiniarluni aalajangerpoq.
Atuagaq 2007-imi saqqummersinneqaqqaarmat ilisaritillugu ilaatigut ima allattoqarpoq: "Atuakkap assiliartaasalu tamarmik ersersippaat, Ole G. Jensen allallaqqiinnarani assiliillaqqissuusoq (...) atuagaq tamanut innersuussutigineqarsinnaavoq, takornariaannaanngitsunut, aammali sivisunerusumik Kalaallit Nunaanniittussanut aamma allanut Kalaallit Nunaannik nuannarisalinnut."