VIDEO Kalaallit Krudttøndenip eqqaani najugallit tupassimaqisut
- Pisoq pillugu soorunami tuparujussuaqqavugut, angerlarsimaffittami toqqissisimaffiusup eqqaani peqqarniisaarniartoqarmat, Arnavaraq Jørgensen KNR-imut taama oqarpoq.
Arnavaraq Jørgensen ilaquttanilu Østerbromi najugaqartut peqqarniisaarniartoqartoq pasitsaakkamikku tv-kkut malinnaalerput.
AAMMA ATUARUK Politiit matuma silatinnguaniipput qulimiguullillu qulaavaarpalupput
- Annilaartorujussuuvunga, tassami qimmerput tamaani ullut tamaasa aneeruttarparput. Uiga saassussineq nalunaaquttap akunnerinik marlussunnik sioqqullugu arpakkami aallaasersorfiusoq saneqquppaa. Saassussisoqareermallu eqqarsaatit nuanniitsut takkussuupput, eqqarsarpunga "Qanormi pisoqarsimassagaluarpa?", Arnavaraq Jørgensen oqarpoq.
AAMMA ATUARUK Anaanap ernermi qasunera pissutigalugu pinerliiniaq ingalakkaa
Peqqarniisaarniartoqareersorlu pisoq Københavnimi inunnit attorteqqassutigineqarpoq.
- Københavnimi pisoq pillugu malunnarpoq innuttaasut attortissutigigaat, ilaallu allanut sanilliullugit attortisimanerullutik, Arnavaraq Jørgensen naggasiivoq.
