Kalaallit Islandimiullu niuernikkut suleqatigiinnerat nukittorsarneqartoq

Kalaallit Nunaat Islandilu assigiinngissuterpassuaqaraluarlutik arlalitsigut aamma assigiissuteqarput. Tamannalu niuernikkut qaninnerusumik suleqatigiinnissamut tunngavissaqartitsilluarpoq, tamatumalu nunat marluusut siunissami annerpaamik pissarsiaqarfiginissaanik ilungersorlutik sulissutiginiarpaat.

-Islandimut atassuteqarnitta nukittorsarneqarnissaa isumalluarfigeqaarput. Suleqatigiinnerup qanoq ingerlanneqarnissaa siumut aalajangersarneqanngilaq, suliffeqarfiilli inuinnaallu sanilitta Islandimiut suleqatiginerisa nukittorsarneqarnerata iluaqutissartaanik takusaqarsinnaasut amerlasuut takkunnissaat naatsorsuutigaarput. Oqallittarfiussaarmi immikkut ilisimasatsinnik paarlaasseqatigiittarfissaq, Bent Sørensen, Kalaallit Nunaanni Sulisitsisut peqatigiiffianni siunnersortaasoq knr.gl-imit apersorneqarluni naqissusiivoq.

Kalaallit Nunaata Islandillu akornanni ukiorpassuarni pitsaasumik suleqatigiittoqarsimavoq, kalaallillu islandimiullu niuertut peqatigiit aqqutigalugit suleqatigiinnerup taassuma nukittorsaqqinneqarnissaanut piffissanngorsimavoq. Pilersitsineq pissaaq ataasinngornermi oktobarip 29-iani nal. 12.30 Katuami Hans Lyngep Inersuani.

-Niuernikkut anneruniunneq Islandip immikkut misilittagaqarfigilluarpaa. Kalaallit Islandimiullu niuernikkut peqatigiit Islandimiut peqatigiit peqataaffigisaasa qulissaraat, taamaaliornikkullu nunat qanittumik suleqatigeriinngisagut attaveqarfigilissallutigit. Matumani assersuutigalugu eqqaasinnaavara Tyskland, Norge, Danmark Savalimmiullu peqatigalugit Islandimiunik qanittumik suleqateqartut. Maani nunatsinni ilinniartitaanikkut suliniutillu angisuut pillugit unamminartut eqqarsaatigalugit, amerlasuunik attaveqarfeqarnissaq iluaqutissartaqarpoq, Bent Sørensen nassuiaavoq.