Qilaatersorneq UNESCO Kalaallit Inuillu kulturiat eqqumaffigineqarnerulissaaq
- Inuit aamma kalaallit ileqqutoqaat, nunarsuarmioqatigiinnit akuerineqarnerat tassani naqissuserneqassaaq, tamatumalu kingunerissavaa, kalaallit taamatullu inuit kulturiat eqqumaffigineqarnerullutik pinissaat, Daniel Thorleifsen oqarpoq.
AAMMA ATUARUK Qilaatersorneq UNESCO-mut 2021-mi innersuunneqarpoq
Inooriaatsimik avataannit sunnerneqanngikkallaratta, aaqqiagiinngittoqartillugu qilaatersorneq
atorneqartarpoq. - Qilaatersornikkut aaqqiagiinnginnerit aaqqinniarneqartarsimapput eqqissisimasumik, Nunatta Katersugaasiviani pisortaq taama oqarpoq.
Kristumiuussutsimik ajoqersuiartortitat siullersaat Hans Egede Kalaallit Nunaannut tikimmat qilaatersorneq inerteqqutigineqalerpoq, tassalu ukioq 2021-mi ukiut 300-it qaangiutissapput.
- Nuannequtaasut immaqa ilagissavaat ukiut 300-inngorfiat Hans Egedep tikinneraniit akuerineqartussanngormat, Daniel Thorleifsen oqarpoq.
Qilaatersorneq UNESCOp eriagisassanut tigussaanngitsunut kingornutatut allattuiffianut ilanngussassatut 2020-mi innersuussutigineqarneqassaaq, 2021-milu atuutilissalluni.
