Kalaallit filmiliaat generalsekretærimit nuannarineqarpoq
Silap allanngoriartornera pillugu filmiliaq "The melting of the Ice Cap" kalaallit inuusuttut Niini Malu Hansenip aamma Inaluk Schmidt Jacobsenip unammissutigaat, taannali ajugaassutaanngilaq.
Nunani avannarlermiut inuusuttut filmiliaat 125-it unammissutigineqartut tamarmik eqqarsalersitsisuugamikaamma inuusuttut isumaannik ersersitsisuugamik iluaqutaasimaqisut, ataqatigiissaarisoq Josefin Lindberg oqarpoq.
Naalagaaffiit Peqatigiit generalsekretæria, Ban Ki Moon Stockholmimut oktobarimi angalammat Sverigemi atuartut klassiisa ilaannik naapitsinissaa aaqqissuunneqarsimavoq, naapitsineranilu kalaallit filmiliaaraat takutinneqarpoq.
- Taamani takusani assut alutorai, aammami Norgep issittortaanut siullermeerluni, Norgep ministeriunera peqatigalugu ukiormanna tikeraaqqaarnini eqqaagamiuk.
Filmiliaaqqani savalimmiormiut filmiliaat "Burden", kalaallisut "Nanertuut"-mmik taasinnaasarput ajugaassutaavoq, filmiliortuullutik Jákup Klein, Jóannes Martin Johannesen aamma Hermann Mørkøre.
Ajugaasunut 15.000 koruunit akissarsissutigineqarput, normu 2-nngorput, Islandermiut, 3-nngortut Svenskit kiisalu 4-nngorlutik qallunaat.
Filmiliaaqqat silap pissusaa pillugu ataatsimeersuarnermi COP15-imi Københavnimi ulluni tullerni takutissorneqassapput.