Politikenip atuakkiortumut nersornaasiuttagaa: Niviaq Korneliussen ima ilillutik toqqarsinnaavat
Taamatut nersornaaserneqarsinnaanermi saniatigut atuakkiortoq inuusuttoq 200.000 koruuninik akissarsitinneqaratarsinnaavoq.
Homo Sapienne atuakkat 2014-imi naliliiffigineqartut 100-t akornanni toqqarneqarsimavoq. Niviaq Korneliussenip atuakkiaa atuakkiat pillugit aaqqissuisup Jes Stein Pedersenip naliliinerani uummataasanit pissarsiarineqarsinnaasunit arfinilinnit tallimanik pissarsitinneqarpoq.
- Danskit tuluillu oqaasii akuleriissillugit inuusuttullu oqaloriaasiat atorlugu, sms-inillu mailinillu ilaartuilluni atuakkiat atuakkama siullersaraat, naliliisartoq ilaatigut allappoq.
Aamma atuaruk ’Homo Sapienne’ tallimanik uummataasalerneqartoq
Nersornaaserneqartussaq sms-ikkut taasisitsinikkut nassaarineqassaaq, aatsaallu sim-kortimik Danmarkimi atuuttumik pigisaqaruit peqataasinnaavutit - "kode nk" allassinnarlugu 1218-imut nassiutissavat.
Nunatsinnit mobilit atorlugu aamma toqqarnissaanut periarfissaqarputit, "kode nk" normumut 0045609940304740-mut sms'erutigissavat.
Taasititsineq februaarip 16-iata tungaanut ingerlassaaq ajugaasorlu aviisip atuakkiat pillugit ilanngussaani februaarip 22-ani saqqummertussami saqqummiunneqassaaq.
Aamma atuaruk Atuakkiortup inuusuttup atuakkiaqqaatini quppeqqaaraa
Niviaq Korneliussenip saniatigut innersuunneqartut tassaapput Theis Ørntoft, Tom Buk-Swienty, Jens Andersen, Maja Lee Langvad, Harald Voetmann aamma Helle Helle.
Politiken atuartartut atuakkiortunik nersornaasiuttagaannik pingajussaa tunniussissaaq.
