Assi: Island Games 2015

Kalaallit ataasiinnarmik ujaminnapput

Qeqertarmiut timersuutinik assigiinngitsunik unammiuaarneranni, Jerseymi ingerlanneqartumi ippassarlu naammassisumi, Kalaallit peqataasui ataasiinnarmik ujaminnapput.

 

Ujaminnittaarli gultiusoq badmintonimi iligiikkaarluni unamminermi pissarsiarineqarpoq, tassa Jens-Frederik Nielsen aamma Bror Madsen finalimut anngutereerlutik tassani ajugaagamik.

 

Taamaalilluni Kalaallit Nunaat qeqertarmiut unammiuaaneranni peqataasunik 24-usunit nummer 19-ninngorpoq.

 

Savalimmiormiut angusarissaarnerullutik, katillugit 60-nik ujamminnapput taakkunannga gultit 18-inik, taamaalillutillu nummer 4-nngorlutik.

 

Qeqertarmiunit pitsaanersaapput, unammiuaarnerni aaqqissuussisoq, Jersey, taakku katillugit 133-inik ujaminnapput taakkunannga 50-it gultiullutik.

 

Unamminerit ippassaq naammassineqartut naggaserlugit, timersortartut amerlanersaat uinnukkut naggataarnersiornermut peqataasut, Sermitsiaq.ag allappoq.

 

Tulliani Island Gameseqassaaq svenskit qeqertaasa ilaanni, Gotlandimi, tamanna ukiut marluk qaangiuppata pissalluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat