Kalaallit Airports Nuummi mittarfissami siullermeertumik qaartitsilerpoq
Nuummi nunanut allanut mittarfissap sanaartorneqarnera pingasunngorpat aallartissaaq, Kalaallit Airport siullermeerluni qaartitsereerpat.
Ukiut qulikkaat oqallinnerujussuit piareersarlunilu sulinerit annertoorrujussuit pereermata, angallannermut ataatsimiititaliarsuaq pilersinneqarpoq.
Maannalu qangali utaqqineqarsimasoq Nuummi nunanut allanut mittarfissap sanaatorneqarnissaa aallartilerpoq.
Kalaallit Airports sanaartorneq aallartillugu pingasunngorpat siullermeerluni qaartitsisssaaq.
Nuummi nunanut allanut mittarfissap sanaartorlugu aallartinneqarnissaa arlaleriarlugu kinguartinneqarpoq.
AAMMA ATUARUK Mittarfiliornissamik suliniutissaq ukiuni 10-ni oqallisigineqareerluni piariilersoq
Siullermik pilersaarutaagaluarpoq, Nuummi nunanut allanut mittarfissaq 2017-mi sanaartorlugu aallartinneqarnissaa 2018-milu piareerluni atorneqalernissaa.
Taamanili arlaleriarluni allannguisoqarpoq, maannali tassa mittarfissap sanaartorneqarnissaa pingasunngorpat allartittussanngorpoq.
Kalaallit Airportimit nalunaarutigineqartut kingulliit naapertorlugit, Nuummi Ilulissanilu mittarfiit sanaartorneqarnerat ukioq 2023-ip naalernerani naammassineqassapput.
Aamma Qaqortumi mittarfissaq 2023-mi naammassineqarsimasussatut pilersaarutigineqarpoq, aappaagulu suliariumannittussarsiuunneqarnissaa naatsorsuutigineqarpoq.
Nuummi nunanut allanut mittarfissap sanaartorneqarata aallartinneqarnera, Nuummi mittarfiup eqqaani sisoranermi majuartaatip Skilftenip eqqaani pingasunngorpat oktoberip ulluisa 16-anni ualikkut tallimanut qiteqquppat malunnartinneqassaaq siullermeerluni qaartisinikkut.
AAMMA ATUARUK Politikkikkut pisoqarfiusumi: Mittarfiliortiternissamut isumaqatigiissut atsiorneqarpoq
