Kalaallit Aalborgimi Illuutaata pisortaa nunatsinnut uteqqilertoq

Bo Albrechtsen Kalaallit Aalborgimi Illuutaanni ukiuni sisamani pisortaareerluni atorfimminit soraarniuteqarpoq.
Nationaldagsfejring i Det Grønlandske Hus i Aalborg
Kalaallit Aalborgimi Illuutaata 2018-imili pisortaa, Bo Albrechtsen, nunatsinnut uteqqilerpoq. Assi © : KNR
oktobarip 17-at 2022 13:39
Nutserisoq Hanne Petersen

Kalaallit Aalborgimi Illuutaat nutaamik pisortassarsiuleruttorpoq.

Tamanna atorfimminit soraarniuteqareerluni nunatsinnut uteqqittussanngorneranik peqquteqartoq, Bo Albechtsen KNR-imut ilisimatitsivoq.

Bo Albrechtsen Kalaallit Aalborgimi Illuutaanni 2018-imi septembarip aallaqqaataani pisortanngortigani ukiuni 20-ni nunatsinniinnermini ilaatigut Nunatta Katersugaasivia Allagaateqarfiatalu Nuummiittup pisortaanut tullersortaavoq.

Kalaallit Nunaata nutaaliaanera paasititsiniutigerusukkuni kalaallillu Danmarkimut nuuttut aallartilluarnissaannik qulakkeerinneqataarusulluni, taanna KNR-imut 2018-imi oqarpoq.

Bo Albrechtsen nulianilu Ilulissanut nuussapput. Taanna Avannaata Kommuniani Ilulissat Kangerluat pillugu suliniutilerisunngussaaq.

Jørgen Hein Kalaallit Aalborgimi Illuutaanni pisortaagallarpoq, atorfimmullu tassunga inuttassarsiuunneqaleruttortumut qinnuteqarsinnaaneq novembarip aallaqqaataanut killeqarpoq.