Nalunaarusiaq: Kalaallisut atuartitsineq naammaginanngitsoq

Misissuinerup, piffissami 2009-miit 2010-p tungaanut misissugaagaluartoq, inerniliussat ullutsinni suli atuuttut, Naliliisarfimmi pisortaq oqarpoq.

Naliliisarfiummi ilinniartitsisunik pikkorissaasarneratigut misissuinermi paasisatik, ukiunik arfineq marlunnik pisoqaassusillit, maannamut naapertuuttut, pisortap Ellen Jensen Karlsenip erseqqissarpaa. 

AAMMA ATUARUK Nivi Olsen:Pitsanngoriaateqarnissamut periarfissaqarpoq

- Tassa imaappoq, 2009-minngaanniit misissuinerugaluarluni ulloq manna tikillugu pikkorissaanitsinni taakkua takusarpavut.

Misissuineq killiffimmik misiliutitut nalilersuinerusoq Nunatsinnilu atuarfiit tamarmik misissuiffigineqanngitsut, Naliliisarfimmi pisortaq Ellen Jensen Karlsen oqarpoq.

AAMMA ATUARUK Meeqqat atuarfii pitsaanerulersinniarlugit Kujalleq aaqqissugaanermik politikkiliulersoq

3. klassini atuartut kalaallit oqaasiinik atuagarsornikkut anguneqartussatut naatsorsuutigineqartut angusimanngikkaat, misissuinerup ilaatigut takutippaa. Taassumalu saniatigut 11. klassini atuartut inaarutaasumik misilitsinnerni piginnaasamikkut qaffasissusaat naammaginanngitsoq misissuinerup aamma takutippaa.

- Siunertarivaa ilinniartitsisut sullissisullu tarrarsorsinnaanissaat, suut siuarsagassaanersut suullu inerisagassaanersut, meeqat atuarfiat pillugu Naliliisarfimmi Pisortaq Ellen Jensen Karlsen oqarpoq.

Illoqarfinni atuarfiit sisamat nunaqarfinnilu atuarfiit marluk misissuinermi aallaaviupput.

Nalunaarusiaq uani atuaruk.