Nivi Olsen: Pitsanngoriaateqarnissamut periarfissaqarpoq
Taama nalunaarusiaq saqqummmiunneqaqqammersoq aallartippoq, inuusuttuaqqat atuartitaanermi ingerlariaqqinnissaannut qanoq tapersersorneqarsinnaanersut pingaarnerutillugu allaaserineqarluni.
Ilinniartitaanermut Naalakkersuisup Nivi Olsenip naluaarusiami tikkuarpaa, pitsanngoriaateqarnissamut periarfissaqartoq, inuusuttut suliniutigineqarnerat pineqartillugu. Taamaakkaluartoq nalunaarusiami suliniutigineqartussatut siunnersuuutigineqartut nuannaarutigai.
Naalakkersuisut nalunaaruusiami eqqaavaat maanna sulissutigineqarmat nutaamik pitsaanerusumillu ilitsersorneqartarnermut quppersakkamik pilersitsinissaq, ilinniartitaanerni neqeroorutaasunik takussutissiisussamik suliniuteqartoqarmat.
Naalakkersuisut ingerlaqqittumik sulissutigigaat meeqqat atuarfianni 11. klassinik aaqqissuussineq nutaaq, inuusuttuaqqanik tamanik 10. klassip kingorna inuusuttuaqqanut ilinniartitaanermi aallartinnissanut efterskolernissanulluunniit piareersimanngitsunik ataatsimut katersiviusussaq suliunitigineqartunut ilaammat.
Naalakkersuisut suliniuteqarnerminni ilannguppaat ilinniagaqartut illoqarfiup angerlarsimaffigisami avataani sungiusaammik suliffissarsisimagunik kolliegiani inissaqartinneqarnissaat qulakkeerneqassasoq.
Naalakkersuisut suliniuteqarnerminni anguniarpaat Danmark-imi efterskolerneq aqqutigalugu pikkorissaqqittarnerni periarfissat pitsaanerulersinnissaat, innuttaasut akissarsiakinnerit akiliutaasa annikinnerulersinnerisigut.
Nivi Olsenip erseqqissaatigaa meeqqat atuarfiata ingerlalluartup qularnaasasagaa inuusuttuaqqat amerlanerusut ilinniakkamik aallartitsinissamut piareersimasarnissaat, ilisimasatigullu nukittunerusumik inissisimasarnissaat meeqqat atuarfiata kingorna, Nivi Olsen oqarpoq.
