Kalaaliaqqat Danmarkimiittut atugarissaarput
Ilisimatooq Seniorforsker Else Christensen radioavisimut ima oqarpoq:
-Siorna misissuinerma inerneri, uunga misissukkannut sanilliukkakkit tupigutsaatiginerpaavara, paasigakku kalaaliaqqat Danmarkimiittut, kalaaliaqqanut kalaallit nunaaniittunut sanilliullugit ajornartorsiutikinnerusut.
Else Christensen oqarpoq.
Ajornartorsiutit Kalaallit nunaanni kalaaliaqqat ajornartorsiutaasiutigisaattut pineqartut tassaapput, angajoqqaat imigassamik ajornartorsiutillit Danmarkimiittunut sanilliullugit amerlanerunerat, atuarfimmi ilikkarniarnikkut ajornartorsiutit, ukioqatinullu akuliunniarnermut ajornartorsiutit.
Kikkulliuku Danmarkimi kalaaliaqqanik taaneqartartut?
-Meeqqat minnerpaamik angajoqqaavisa arlaat kalaaleq, imaluunniit angajoqqaat angajoqqaavini minnerpaamik ataaseq kalaallit nunaanni ingunngornikunit siuaasallit misissuiffigaagut.
Else Christensen oqarpoq.
Kalaaliaqqalli Danmarkimi najugallit allat assigalugit aamma ajornartorsiuteqartartut Else Christensen-ip erseqqissarpaa. unali maluginiagaq tikkuarpaa.
-Meeqqat misissuiffigisatta tallimararterutaat kalaallit nunaanni inunngornikuupput, kaalaaliinnarnillu angjoqqaaqarlutik, Danmarkimut nuunnikut.
Misissuinerilli takutippaat taakku allanut naleqqiullugit ajornartorsiuteqarnerusut, tamakkiisumilli isigalugit ajunngeqaat.
