Kalaaleqaterput Aaju Peter pillugu piviusulersaarusiaralugu filmiliaq CPH:DOX-imik ammaanersiutaasoq
Filmilianik Københavnimi nittarsaasssineq, CPH:DOX, ullumi pingasunngornermi aallartippoq, filmilianillu piviusulersaarusiarpassuarnik ulluni tullittuni aqqanilinni takutitsisoqassalluni.
Nunarput filminik nittarsaassinermi ukkkatarineqarpoq, aamma filminik nittartassaasinerup ammarneqarnerani.
Filmi takuteqqaarneqartussaq tassaavoq "Twice Colonized". Kalaaleqateqarput maanna Canadami najugaqartoq eqqartuussissuserisoq isummaminillu siaruarterisartoq, Aaju Peter, filmimi tassani oqaluttuarineqarpoq. Taanna nunap inoqqaavisa pisinnaatitaaffiinik sorsuuteqartuuvoq.
Aaju Peter meeraalluni nunatsinni ilaquttani qimallugit Danmarkiliartitaavoq. Taassuma oqaatsit ilitsoqqussani kulturinilu Danmarkimiitilluni puigorpai. Inersimasunngorami Canadap issittortaanut nuuppoq, tassani naggueqatigiit inuit nunasiaataatigineqarnerat aamma misigivaa.
Taassuminnga filmilornermi ingerlatsisut sisamaasut ilaat kalaaliuvoq, tassaalluni Emile Hertling Péronard.
Nunarput pillugu filmilianik allanik ukiormanna CPH:DOX aamma takutitsisoqassaaq.
Soorlu Erinarsuusiortartoq erinarsortartorlu Rasmus Lyberth pillugu fimiliaq, Grønlands Stemme, aamma nunatsinni silap pissusaata allangoriartornera pillugu filmiliaq "Color of Ice" takutinneqartussanut ilaapput.
Filminik nittarsaassinerup Copehagen Doxip pinerani Københavnemiinngikkuit utaqqilaaginnassaatit. Filminimmi nittarsaassinermi takutinneqartut amerlanerit nittartakkami paradox.dk-mi filminik nittarsaassinerup kingorna isiginnaarneqarsinnaajumaarmata.
