Kalaaleq Parisimiittoq: Takusat amiilaarnaqaat

Parisimi pinerliinerup nalerpiaani takunnittut ilagaat, kalaaleq Tunumiu Adolf Kristiansen. Taanna pinerliiffiup eqqannguani, taamaallaat 250 meterit ungasitsigisumiit najugaqarpoq. Adolf Kristiansen Parisimiippoq Tunumiut oqaasiissa allattariarsornikkut kitaamiusut, danskisut franskisullu nutserneqarneri katersugaaasivimmi takusassiarineqarnissaannut tuu´nngatillugu.

Adolf Kristiansen najugaqarfimminiit anillunilu qaarpaluttoqartoq tusaavaa.

- Anillungalu nipersua tusaavara, taavalu tassuuguinnaq politiillu ambulancellu nipiliuutigalutik aallartikkamik piaarnerpaamik. Taava qulimiguulllit qulitsinni timmisut takusarlutigit, sakkutuut, politiit qulimiguullillu, Adolf Kristiansen ulluni makkunani Parisimiittoq siullermik taama oqaluttuarpoq imalu nangilluni.

- Tassa qaartoqarpallareersorlu eqqaanut pivunga, isiginnaarlugillu. Kisiannni tassa ajortumeeriffiusut orneqqusaanngilagut, tassami politiit sakuutuullu piareersimasut, taavalu ambulancet amerlasoorpassuit maani assersuigamik, Adolf Kristiansen oqarpoq.

Aamma atuaruk Islamisk Stat Parisimi saassussisuuvoq

Aamma atuaruk Kunngikkormiut Frankrigip Københavnimi aallartitaqarfiata saavani eqqaaniaaqataasut

Adolf Kristiansenip, suli tupassimaqisup takusani ima oqaluttuarai.

- Tassa qaartartup inuit ilai ilisarnarunnaarsissimavai, skuui, atisaallu taamaallaat erserput, amiilaarnaqaaq, oqarpoq.

Adolf Kristiansenip takusani sinnattuaqiniinnaasutulluunniit takorloorlutigit oqarpoq.

- Inuit taama amerlatigisut toqutaanerat isigalugit, taavalu ajoqusertut amerlangaatsiarlutillu aamma. Tassa isigalugit nallinnartorujussuupput taamatut ulluinnarsiutiginagu, takusarnagit, sooorluluunniit sinnattupiluttut eqqaanarpoq, Adolf Kristiansen oqarpoq.

Adolf Kristiansen aamma oqaluttuarpoq pinerliinermi toqutaasut saniatigut inuppassuit ikiligaasut maannalu napparsimmavimmiittut ikiorniarlugit, Parisimi innuttaasut piumaffigineqarsimasut aaversinnissaamnnik.