Kalaaleq ilusilersuisartoq tyskit nersornaasiuttagaannut innersuunneqarpoq

Liv Aurora Jensen Inuk Designimik pilersitsisuuvoq, tyskillu nersornaasiuttagaannut German Design Awardimut innersuunneqarpoq.

Innersuunneqarneranut tunngaviupput: kissartunut ilitsiviiit marluk, kitseriviit marluk nerriviup qalia Arctic Food, taakkulu tamarmik nunatsinni piniakkanik inuussuteqanermik oqariartuuteqartuupput.

Liv Aurora Jensen innersuunneqarnini pillugu nuannaaqisoq ima oqarpoq:

- Soorunami tanngassimaaqaanga uppererpianngikkaluarparaluunniit, tamannami nunat tamalaat designeriinut unammillersimasunga isumaqarmat, Liv Aurora Jensen oqarpoq.

Inuk Design innersuussinermut uunga atasumut innersuunneqarpoq: ’excellent product design in the tabletop category, Liv Aurora Jensenilu isumaqarpoq tamanna nunarsuup sinneranut pingaaruteqartoq:

- Nunatsinnut sunniuteqassaqaaq, nunammi tamalaat niuernerannut suliakka anillakaattussaapput, tassalu design atorlugu nunatsinniit avammut tunisat allaanerusut tunisaalissapput, tamannalu pingaaruteqartorujussuusoraara, taamaalillutami nunarsuup sinneranut avammut niuernitsigut takutissinnaanngussavarput avammut niuerutigut aalisagaannaanatillu piniarnermiit aallaaveqartuinnaat kisiisa tunisassiarinngikkigut, Liv Aurora Jensen oqarpoq.

German Design Awards februaarimi 2023-mi Frankfurtimi pissaaq.