Kalaaleq atuakkiortoq nersornaasigassatut innersuunneqarpoq

Atuakkiortoq Kristian Olsen ’Aaju’ Nunat Avannarliit atuakkiortunut nersornaasiuittagaannut aappaagu 2011-mi tunniunneqartussamut innersuunneqarpoq.

Nunat Avannarliit atuakkiortumut nersornaasiuttagaannut Kalaallit Nunatsinniit kingumut innersuussuteqartoqarpoq.

Kristian Olsenip atuakkiaa pissanganartuliaq ’ Kakiorneqaqatigiit’ atuakkanik naqiterisitsisarfimmit Atuagkanit septembarip qaammataani saqqummersinneqarpoq.

Atuakkami arnat inuusuttut marluk imminortoqarsimaneranik paasiniaanerat sammineqarpoq. Arnat taakku marluk imminnut tiguartisimaffiginerat aappaatalu ajorsaarinernut sakkortuunut akuliunnera kingunipiloqartitsivoq, toqumik kinguneqartumik.

Qallunaaq Josefine Klougart aamma Savalimmiormioq Tóroddur Poulsen nersornaasigassatut innersuunneqartunut qulingiluanut ilaapput.

Nunat avannarliit ataatsimiinneranni Københavnimi aappaagu novembarimi pisussami, nersornaat 350.000 koruuninik aningaasartaqartoq, pisortatigoortumik tunniunneqassaaq.

Nunani Avannarlerni Atuakkiortunik nersornaasiinissamut Kalaallit Nunaannit siorna innersuussisoqanngilaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat