Akitsuuserisut hashimik siorna aasarinnissuteqarnerusut

Ikiaroornartoq hashi akitsuuserisunit siorna 2018-imi arsaarinnissutigineqartoq 2017-imut naleqqiullugu annertuneruvoq. Sermitsiaq.AG taama allaaserisaqarpoq.
ikiaroornartoq Politi stoffer
Assi © : KNR
Allattoq Jonas Fievé
januaarip 10-at 2019 15:15

Akitsuuserisut ikiaroornartumik hashimik 2018-imi katillugit 37,8 kiilunik arsaarinnissuteqarput, 2017-imilu arsaarinnissutigineqartunit 3,3 kiilunik oqimaannerupput.

Akitsuuserisut taama Sermitsiaq.AG-mut taama ilisimatitsipput. 

AAMMA ATUARUK Fire tiltalt i sag om 6 kilo hash

Hashi 37,8 kiilu 2018-imi arsaarinnissutigineqartoq taamaasilluni 26,5 milliuunit 37,8 milliuunit koruunillu akornanni naleqarpoq.

Hashimi 1 grammisut oqimaassusilik 700 koruunit 1000 koruunillu akornanni akeqartartoq, Kalaallit Nunaanni Politiit taama ilisimatitsipput.

Akitsuuserisut akitsuuserisunik pingasunik 2018-imi atorfinitsitsipput. Ilulissani marluk Kangerlussuarmilu sulisut ataatsimik ilallugit.

AAMMA ATUARUK Ilanngaaserisut hashimik, tupanik imigassanillu angalasuni nassaartut

Akitsuuserisut pingasunik ilaneqarnerisa kingunerisaanik ikiaroornartumik assaarinnittoqarnerulerneranik oqartoqarsinnaanngitsoq, akitsuuserisuni immikkoortortami pisortaq oqarpoq, siunissamili iluaqutiginerulernissaat naatsorsuutigineqarpoq.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk