Ulloq unnuarlu paaqqinnittarfiit Sermersuup ingerlatilerusukkai
Iluatsissappallu meeqqat inuusuttullu paaqqinnittarfinniittut inuunerat pitsaanerulissasoq, ingerlatsivimmi pisortaq, Martha Luns Olsen, isumaqarpoq.
- Taamaalisinnaassagaluarutta meeqqat ilaqutariillu pillugit qanimut suleqatigiinnerput pilersinnaassasaoq, Martha Lund Olsen taama oqarpoq.
Taanna naapertorlugu, Kommuneqarfik Sermersooq ulloq unnuarlu paaqqinnittarfinnik ingerlatsilissaguni paaqqinnittarfinnut taakkunanilu meeqqat angajoqqaavinut atassuteqarnerulissaaq, sullissinerlu ajornannginnerulissalluni.
AAMMA ATUARUK Meeqqat angerlarsimaffii ilisimatuunit misissuiffigineqalersut
Tassalu Namminersorlutik Oqartussat paaqqinnittarfii, Tasiilami Prinsesse Margrethep Meeqqanut Angerlarsimaffia, Nuummilu Røde Kors Børnehjemi Meeqqat Illuallu kommunimit ingerlanneqalissappata, meeqqanut taakkunaniittunut pitsaanerussasoq, Martha Lund Olsen isumaqarpoq.
- Soorunami qularinngilarput meeqqanut iluaqutaassasoq. Tassuunakkut meeqqat qanimut malinnaaffigalugillu aamma angajoqqaavi malinnaaffigilersinnaassagatsigit.
Martha Lund Olsen naapertorlugu, paaqqinnittarfinnik ingerlatsilerneq kommunimut akisunerulernavianngilaq.
Paaqqinnittarfiit ingerlanneqarneri aserfallatsaaliornerilu kommunip akigititat aqqutigalugit 2014-imili akilertarpai.
AAMMA ATUARUK Angerlarsimaffiup avataaniittut ilisimatusarfigineqartut
Tamatuma saniatigut Naalakkersuisut KANUKOKA-mik isumaqatigiissuteqarlutik ulloq unnuarlu paaqqinnittarfinnit, akigititat aqqutigalugit akilersorneqartunit, 3 millionit koruunit Isumaginninnermut Aqutsisoqarfimmut 2018-imut aningaasanut inatsimmut isumaqatigiinniartoqarnerani nuutsitsisut Martha Lund Olsen oqarpoq.
- Soorunami aamma naatsorsuutigivagut, taakku isumaqatiginninniarnerni tapitartuutaajumaartut. Aningaasat taakku ilaat uagut aqutsinitsinnut atorsinnaassagatsigit, Martha Lund Olsen taama oqarpoq.
Kommuneqarfik Sermersooq ingerlatsilernissamut Namminersorlutik Oqartussanik isumaqatigiinniarsinnaassappat siunnersuut aningaasaqarnermut inuussutissarsiornermullu ataatsimiititamit akuerineqaqqaassaaq.
AAMMA ATUARUK Tasiilami meeqqat inuusuttuaqqallu sumiginnagaanerat ajorluinnarpoq