Meeqqat angerlarsimaffii ilisimatuunit misissuiffigineqalersut
Perorsaanermik Ilinniarfik/Socialpædagogisk Seminarium, Ilulissaniittoq, Kalaallit Nunaanni meeqqat angerlarsimaffiinik misissuiartortunik ulluni makkunani tikeaartoqarpoq, meeqqat angerlarsimaffiinik misissueqqaartoqarnissaa pillugu ataatsimoorullugu aningaasaliiffigineqarluni.
Misissuiartortut Aalborg Universitetimeersuullutillu University College Nordjyllandimeersuupput.
Ilulissani, Sisimiuni, Nuummi, Uummannami Tasiilamilu meeqqat angerlarsimaffii katillugit arfinillit tikeraarneqassapput.
Najukkani allani pisuussutinik periarfissanillu atuineq ilinniarfigineqarnissaat misissueqqissaarnermi ilaatigut anguniagaavoq, isumassarsioqatigiissinnaaneq aqqutissiuunniarneqarluni.
Misissuiartorlutik tikeraartut aggustip 21-anniit septembarip ulluisa arfernata tungaanut nunatsinniissapput.