Kalaallit Airportsip Qaqortumi mittarfissap pilersaarusiornera aallartippaa
Qaqortumi mittarfissap sanaartornissaanut pilersaarusiorneq aallartinneqartoq, Kalaallit Airports nalunaarpoq.
Tassalu ingeniørit arkitektetillu miffissiassap inissisimaffiata qanoq ittuunissaalu titartarlugulu nassuiaqqissaarpaat, mittarfiliortussat sanaartornissamik eqqoqqissartumik malitassaqarniassammata.
AAMMA ATUARUK Talliliineq nipiliorfiussaqisoq
Piffissalersuineq naapertorlugu, miffisaliorneq 2020-mi sanaartugassallu 2021-mi aallartinneqarsinnaasut, mittarfillu atoriaannanngorluni 2023-mi piariissasoq, Kalaallit Airportsip naatsersuutigaa, soorlu aamma Nuummiittussamut Ilulissaniittussamullu taama naatsorsuuteqartoq.
Ilaatigut Qaqortumi mittarfissap kissaatigineqartup angissusissaata politikkikkut nalornissutigineqalernera, aammalu Kalaallit Airports A/S-ip mittarfissap nutaap taassuma eqqaani anorlertarneranut aalaruluttarnermullu tunngasunik annertunerusunik misissuinissamik kissaateqarnera pissutigalugu, Qaqortumi mittarfissamut sanaartornissamut pilersaarusiornissaq uninngatinneqarallarsimavoq.
AAMMA ATUARUK Mittarfinnut pilersaarut pillugu ilisimasaqarnerulerit
Misissuinerit ilaat naammassineqareerput, misileraallunili timmisartornissat suli amigaataapput. Kalaallit Airportsip taamaakkaluartoq pilersaarusiorneq aallartippaa.
- Taamaalilluni oqartussanit akuersissutit sinneruttut qinnuteqaatigineqarsinnaalissallutik aammalu mittarfissamut sanaartornermi suliassanut neqeroortitsinermut najoqqutassat suliarineqarsinnaalissallutik, Kalaallit Airportsip pisortaa Steffen Ulrich-Lynge oqarpoq.
AAMMA ATUARUK Mittarfinnut pilersaarut akuerineqarpoq
Nuummi Ilulissanilu mittarfissat pilersaarusiorneqareerput suliariumannittussarsiuunneqareerlutillu. Kalaallit Airportsip sanaartortussamik 2019-imi toqqaanissaq sanartulernisarlu naatsorsuutigaa.
