Ministeriuneq 2019-mi malunnaateqarnerit 50-it akornanni
Danskit ministeriunerat Mette Frederiksen ukioq 2019- mi inuit malunnaateqartut 50 -it akornanni iliuuseqarsimasutut amerikamiut aningaasaqarnermut tusagassiisarfianni Bloombergimi eqqaaneqarpoq.
Tamatumunnga pissutaavoq, Mette Frederiksen Danmarkimi ministeriusarsimasunit inuusunnersaammat, aamma amerikamiut præsidentiata Donald Trumpip Kalaallit Nunaata pisiarinissaanut neqerooruteqaraluarmat akerlileramiuk itigartillugu, Bloomberg taama allaaserisaqarpoq.
Thunberg akerliusullu peqatigalugit malunaateqarnerit akornanniittoq
Ministeriunerup Trumpimut aalajangersimarpalaarnera aningaasaqarnermut tusagassiisarfimmit nersualaarneqarpoq.
Aningaasaqarneq pillugu tusagassiorfik Bloomberg nunarsuarmi tamarmi atuarneqartarpoq.
AAMMA ATUARUK Mette Frederiksen: Kalaallit Nunaat tuniniagaanngilaq
Tusagassiorfiup Bloombergip inuit 2019-mi malunnaateqartut allattorsimaffiannut ilaapput, silap pissussaa pillugu suliniuteqartoq Greta Thunberg amma amerikamiut arnartaat isikkamik arsaallutik nunanut allanut unammisartui, kiisalu Hong Kongimi akerliussutsimik takutitsisut tusaamaneqarnernut ilaapput.