Video: Sakkut pillugit inatsimmik sukaterinissaq piniartunit ilassilluarneqartoq

Toqqammaviatigut isumaqatigivara. Meeqqat aallartoorfigineqartarnerat pissutigalugu.

Johan Villadsen Ilulissani aalisartoq piniartorlu taama oqarpoq. 

AAMMA ATUARUK Aallaasinik atuisinnaanermut ukiunik minnerpaaffiliinissaq siunnersuutigineqartoq

16-ileereersimasut aallaammik atuisinnaatitaaleratarsinnaanerat taassuma  eqqarsarnartoqartippaa.

Aallaamik atuinissamik siuissumik sungiussisimasunut 16-liinissaq utaqqikkatannarsinnaassasoq Johan Villadsen isumaqarpoq.

- Immaqa aallaat ilitsoqqutarinagu peroriartortuni taanna ajunngilaq. Kisianni aallaamik ilitsoqqussilluni pisimagaanni taanna aamma ukiua kingusippallaalaarpoq.

Aalisartoq piniartorlu Johannes Steenholdt  aallaasit atorneqartarnerannut aamma paarineqartarnerannut inatsimmik sukateriniarnermut isumaqataavoq.

AAMMA ATUARUK Aallaasit toqqortarineqartarnerinut piumasaqaatit sukannernerusut

Imaanngikkaluarpoq immaqa tamakkua 16-liineqanngitsut ilaatigut aallaasersoq nalusut. Kisianni sillimaniarnissaq siunissaq ungasinnerusoq takorloorlugu iluarnerussangaluarami siunnersuisinnnaasumik tamakkuninnga inuusuttuaqqanik ilaqartartunik.

Inatsisimmi sukaterusussap aamma kingunerissavaa, aallaasit atorneqannginneranni imassaat immikkoortillugit inaalinneqartalissasut. Tamannalu Aalisartup piniartullu isumaqatigaa.

- Ilaasa umiatsiamiitiinnartaramikkit. Sillimaniarfigalugu inaalilluartarnissaat kissaatiginassangaluarpoq piniartunut taavalu saniatigooralugu pinialuttartunut, aalisartoq piniartorlu Johannes Steenholdt Ilulissat taama oqarpoq.  

Sakkut pillugit inatsimmik sukaterinissaq Nuummi Aalisartut Piniartullu Peqatigiiffiata tamakkiisumik tapersersoraaa, siulittaasup Lars Mathæussenip KNR-imut oqaatigaa. 

Inatsisip sukaterneqarnissaa pillugu aperineqarami ima oqarpoq: 

- Annerusumik sunniuteqarnaviannilaq. 16-init inorlugit ukiulimmik piniartumik ilaqanngilagut, taanna akivoq.