Kaffi peqqinnarsinnaavoq
Kaffi peqqissutsimut iluaqutaasinnaasoq Norgemi ilisimatuut nalunaarput.
Ilisimatuut isumaqarput ullormut tiitorfiit sisamariarlugit kaffisortarneq peqqinnartuusoq.
- Misissuinitsinni inernerit takoqqaaratsigit tupaallakkaluarpugut, isumaqarlutalu kukkusimalluta, Oslo Universitetimi proffessori Rune Blomhoff internettimi nittartakkakkut forskning.no-mut oqarpoq.
Misissuinermi paasineqarpoq arnat ullormut tiitorfinnik pingasut tungaanut kaffimik imertartut, uummatikkut taqarsuakkullu nappaateqalersinnaanerat 25 procentit tungaannut appariarsinnaasoq, aamma paasineqarpoq aseruuttoortarnerat akuttunerulerlunilu gigtinnginnerusartut.
Kisianni kaffinngerpallaanut nutaarsiassaq nuannerpallaarnavianngitsoq tassaavoq, ullormut tiitorfinnik tallimanik amerlanerusunik kaffisortaraanni, nappaammik kræftimik napparsimalersinnaaneq qaninnerulersarpoq.
