'Kaassalimik oqaluttuaq' Nunatsinnit innersuunneqarpoq

Lars-Pele Berthelsenip atuakkiaa ’Kaassalimik oqaluttuaq’ Pia Falck Papemit assitalersorneqarsimasoq Ilinniusiorfimmillu saqqummersinneqartoq, nersornaasiinermut innersuussinerminni naliliisartunit ilaatigut ima oqaasertalerneqarpoq:

- Atuagaq pissanganartuuvoq. Inuusuit akornanni asanninneq qitiutinneqarpoq. Kalaallit Nunaata avannaani ulluinnarni inuuneq atuakkami aallaavigineqarpoq. Taamaattoq piniartorsualikkersaarutinut allanut sanilliullugu allaanerulluinnarluni. Atuagaq allalluagaavoq pissanganarlunilu innusuttunullu atuakkianut allanut sanilliullugu allaanerussuteqarluni, Thordur Thorarinsson Nunat Avannarliit Killiit Siunnersoqatigiiffinani siulittaasoq oqarpoq.

Savalimmiuninngaanniit Marjuna Syderbø Kjelnæsip atuakkiaa Skriva í sandin ( Sioqqani allanneq) innersuussutigineqarpoq.Islandimiillu Margrét Örnólfsdóttiip atuakkiaa Með heiminn í vasanum (Silarsuaq tamaat kaasarfimmioralugu) innersuussutigineqarluni.

Nunat Avannarliit Killiit Siunnersuisoqatigiiffiata atuakkiortunut nersornaasiuttagaat ukioq ataaseq allortarlugu tunniunneqartarpoq 60.000 koruuninillu aningaasartaqarluni. Nersornaat aggustip qaammataani 2012-imi tunniunneqassaaq.