Ilinniarneq Kulturi

Københavnip Universitetiata eskimologi ingerlatiinnassavaa

Københavnip Universitetiani sipaarniarneq annertuumik ingerlanneqareersoq oqaatsit pillugit ilinniakkanit matuneqaqqajaasunit 13-iusunit, taakkununnga ilaalluni Eskimologi, sisamaannaat ingerlaannartussanngorput. Kristeligt Dagblad ullumi taama allaaserisaqarpoq.

Allattoq Simon Uldum -

apriilip 04-at 2016 10:23

Københavnip Universitetiata aningaasarliorneq ilinniartukippallaarnerlu pissutigalugit oqaatsit pillugit ilinniakkat ilinniartukitsut 13-it, ilaatigut Eskimologiip, matunissaannik isumaliuteqarnera ukiup aallartinnera nalunaarutigineqarmat Nunatsinni Danmarkimilu akerliusut imaaginnavipput.

Aamma atuaruk Danskit ilinniartitaanermut ilisimatusarnermullu ministeriata Eskimologi attatiinnarusuppaa

Maannalu aalajangerneqarpoq ilinniakkanit 13-iusunit sisamaannaat ingerlaannassasut, taakkununnga ilaallutik matuneqarnissaannik akerliuffigineqarnerpaasut, griikerit itsaq oqaasiinik ilinniarneq aamma eskimologi, Kristeligt Dagblad taama allaaserisaqarpoq.

Aamma atuaruk Københavns Universitet: Ilinniartukitsumik ingerlatsineq akisuvoq

Aamma atuaruk Partii Naleraq: Eskimologi maaniissaaq