Københavnimi puisit pillugit akerliussutsimik takutitsisoqarlunilu tusagassiortunik ullumi katersortitsisoqassaaq
Katillugit aqqaneq-marluk bussimut ikereerput, bussilu Odendemi aamma unikkallassaaq, suli amerlanerit ikisussaammata.Aqqutaani aliikkusersuisuupput ern arsoqatigiit "Ikerasak"-mmik taaguutillit. Kalaallit pissan gajartuinnavipput, oqartussammi ilimasaarutigaat Storebæltsbroen ullumi matuneqartariaqassagunartoq.
Taama ilisimatitsisoq tassa Ole Ørum, Inuit Silameersoq, akerliussutsimillu ullumi takutitsinissamut aaqqissuisuusoq. Ikumatitalisarluni Slotspladsiminngaanit Rådhuspladsep tungaanut ingerlaaqatigiinnissaraluaq anorersuarnissaa pissutigalugu aamma taamaatiinnarneqarpoq, akerliussutsimillu takutitsisut Christiansborgip silataaniiginnarniarput, politikerinut tassanngaannit suaartarratiinnarniarlutik.
Akerliussutsimik takutitsisoqartinnagu tusagassiortunik Christiansborgimi katersortitsinissamut qaaqqusisoqarpoq, Inuit Silameersut ilaatigut atsiortitniarmata.
Piniarnermut, Aalisarnermut Nunalerinermullu Naalakkersuisoq, Karl Lyberth, Kalaallit Nunaanni Aalisartut Piniartullu Kattuffianni, KNAPK-mi, siulittaasup tullia, Leif Fontáine, Ammerivimmi Great Greenlandimi pisortaq, Lars Berg, aamma Siumut sinnerlugu Folketingimi ilaasortaq, Doris Jakobsen, aamma peqataassapput. Inuit Ataqatigiinneersoq, Sara Olsvig, Skype-ikkut aamma peqataassaaq.
Puisit amiinik, allanillumi puisineersunik, EU-p mattussinerani naggueqatigiit Inuit ilaatinneqannginnerannik assut nalorninartorsiortitsivoq, WTO-mmi aalajangiinermini naggueqatigiit Inuit mattussinermut ilaatinneqannginnerat WTO-p aalajangersagaanut naapertuutinnginnerarpai. Nunattalu tungaanit mattussinerup atorunnaarsilluinnarnissaanut tamanna tunngavilersuutitut atorneqarpoq.
Tusagassiortunik katersortitsinermit akerliussutsimillu takutitsineq ullumi kingusinnerusukkut ilanngutassiissaagut.