VIDEO Juullip orpii nunatsinneersut

Qaammataannanngorpoq juullernissaanut. Juullillu orpiata pilutai pinnersaasiassat Narsarsuarmeersut Qaqortumi Brugsenimi ukioq manna siullermeerluni pisiassaapput. Taakkulu pisisartunit alutorilluarneqarput.
Allattoq Jørgen Semionsen
novembarip 24-at 2015 16:13

Juullip orpiata nunatsinneersup pilutaata tipaa tikisinneqartunut sanilliullugu suna assigiinngissutigineraa pisisartup siulliulluni nalilersuiffigaa.

- Alutornaqaat. Kusanat. Mikisuaraalaarlutillu inequnarlutik. Tipigeqaat, jullisunni orpissunnik. Allaanerussutaa asukiaq, pisisartoq Bea K. Nielsen KNR-imut oqarpoq.

Brugsenimi naatitalerisoq aamma assigiinngissutissaalatsivoq.

- Assigiippasipput. Tipigeqaat ukua aamma. Kusanarnerullutillu, Brugsenimi naatitaarniaq, Ungaaq Hoseassen KNR-imut oqarpoq.

Qaqortumi Brugseni juullip orpiisa nunatsinneersut aatsaat siullermeerutaasumik tuniniarneqarneranni misileraaffiuvoq.

- Siullerpaamik uku misiliutaapput, taava siunissami eqqarsaatigineqarpoq Brugseneqarfiit sinneri aamma tamakkuninnga pilersorsinnaanngornissaannut misiliutaavugut, Ungaaq Hoseassen nassuiaavoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq