Juullip Inuanut allakkanik nakkartitsivik Uummannamut nuunneqassasoq

Qallunaatut ammartagaq, "Nissebanden i Grønland" 1989-imiunneqarpoq, Juullillu inutata allakkanut nakkartitsivia Uummannamut nassiunneqartussanngorpoq.
 
Taamaalillutik meeqqat tusindillipassuit juullip inuanut kissaatitik nassiussivissamut aalajangersimasumut nassiussinnaalissavaat. Politiken taama allaaserisaqarpoq.
 
Allakkanut nakkartitsivik Ilulissanit Uummannamut nuunneqassaaq, tassa DR-ip aallakaatitassiaata Nissebanden i Grønlandip immiunneqarfianut.
 
Juullip inuata allakkanut nakkartitsivia umiarsuarmut pajuttumut kingullermut nassiunneqassaaq, tassa sikutinnagu.

AAMMA ATUARUK Visit Greenlandip juullip inua nittarsaakkunnaaraa

Uummannami Edvard Krusep atuarfiani atuartut angajulliit ukiuni kingullerni sisamani atuarnermik ilaa juullip inuanut allakkat akiortornissaannut atortarpaat. Allakkat Ilulissani allakkerivimmit Uummannamut nassiunneqartarput.
 
- Kommunimit ukiut sisamat matuma siorna aperineqarpugut allakkat akissuteqarfigineqartarnerinut suliassaq isumagisinnaaneripput, atuartitsinermullu tunngatillugu akuersivugut. Illoqarfeeqqatta avataani silarsuaq anginerusoq meeqqanut paasitikkusullugu inuillu inuuniarnermikkut atugaasa qanoq assigiinngiiaartigineri takutikkumallugu taamaaliorpugut.

AAMMA ATUARUK Juullip inua attartorneqarsinnaalissaaq

- Danmarkimi meeqqat suttinik kissaatiminnillu allattukkaminnik nassiussisarput, inersimasullu Kangianeersut tunissutissaminnik nassiussisarput pitsaasumik ilinniagaqarnissaminnik imaluunniit pitsaasumik nuliartaarnissaminnik kissaateqartarlutik, Tim Arnoldi, Uummannami Edvard Krusep atuarfiani pisortap tullia oqarpoq.
 
Atuartut angajulliit juullip inuanut allakkat 5000-6000-it ukiut tamaasa akissuteqarfigisarpaat.

AAMMA ATUARUK Juullip Inua allakkanik suli nassiussisarpoq