Juullip inua attartorneqarsinnaalissaaq
Qaasuitsup Kommunia juullip inuanik piginnittussaatitaavoq. Kommunillu juullip inuata ilisarnaata allanut attartugassanngortinniarpaa.
Juullip inuata ulappuseruttorfiani Qaasuitsup Kommuniata, angut taanna tukkortoq aningaasarsiuutiginiarpaa.
- Politikkikkut aalajangerneqarsimavoq juullip inua nittarsaassissutigalugu atorneqarsinnaasariaqartoq, Qaasuitsup Kommuniani inuussutissarsiornermi pisortaagallartoq, Bea Mølgaard Lennert, KNR-imut oqarpoq.
Aamma atuaruk Juullip inua tuniniarneqalerpoq
Juullip inuata ilisarnaataa suliffeqarfinnit namminersortunit nioqqutissaatiminnik nittarsaassinerminni atugassatut pisiarineqarsinnaalissasoq siunertarineqarpoq.
- Suliniutissaassooq juullip inuata ilisarnaataanik atuinissamut siunertaq taamatut isikkoqarluni ingerlaqqiinnaassanersoq imaluunniit juullip inuata nutaamik eqqarsarluni uummartinniarneqaqqinnissaa, Bea Mølgaard Lennert.
Nunatsinni najugalik ilisimanngilaat
Nuummi takornariartitsisinermik suliaqarfiusimasoq, Nuuk Tourism juullip inuanik aalluussaqartuugaluarpoq, kisianni 2011-mi akiliisinnaajunnaarmat juullip inua Qaasuitsup Kommunianut nuuppoq. Iluliarmiuunngorneratigut takornariaqarnermik siuarsaaqataalersinneqassasoq siunertarineqartut ilagaat.
Aamma atuaruk Juullip Inua allakkanik suli nassiussisarpoq
Uagullu qallunaallumi ullumikkumut suli kisiartaalluta nalunngilarput, taanna nunatsinneersuusoq.
Ilumoortullu tamatuma nunarsuarmioqartitsinnut nittaarsaanniarnissaa ajornakusoorsinnaavoq.
- Juullip inuata maani najugaqarnera sorsuussutigineqarsinnaavoq. Tamaaliornissarli aningaasarpassuarnik naleqarsinnaavoq, Visit Greenlandimi pisortaq, Anders Stenbakken, oqarpoq.
Takornariat qarmanngilai
Takornariat Nunatsinnukartarnerat assigiinngitsorpassuarnik peqquteqartoq taassuma aamma oqaatigaa. Juullilli inuata alakkarnissaa siunertarineqarneq ajornerarpaa.
Tamanna allanngortinneqassappat suliniuteqartoqarnerusariaqartoq Visit Greenland isumaqarpoq.
- Juullip inua nioqqutissiatut taaneqarsinnaavoq. Takuniarneqarsinnaassagunili piviusuusariaqarpoq. Takuneqarsinaanngikkunimi oqaannartoqarsinnaanngilaq Nunatsinni najugaqartoq alakkarneqarsinnaananilu, Anders Stenbakken oqarpoq.
- Juullip inuanik eqqarsaasersorneq politikkikkut aaliagingassaassooq qanoq nunanut allanut unammillerluni ingerlaniarsarinikuusoq ukiorparujunni Kalaallit Nunaanni Qaasuitsup Kommuniata tigummillugu aamma taamatut ingerlanniarneraa, Bea Mølgaard Lennert oqarpoq.