Juullimi ikiaroorutissaraluanik arsaarpaat

Angut 33-nik ukiulik Kangerlussuarmi politiinit misissuiffigineqareerluni decembarip 23-ani ikiaroornartumik hashimik 150 grammimik nammineq atugassaminik eqqusseriaraluartoq arsaarneqarpoq.
decembarip 27-at 2010 07:23

Angut Københavnimiit Kangerlussuarmut ingerlaarpoq, Kangerlussuarmilu politiit tikittunut misissuineranni tigusarineqarluni. Angutip hashi 150 grammi ikiaqutiminut toqqorsimavaa. Angutillu politiinut nassuiaanera malillugu ikiaroornartoq nammineq pujortagassamisut nassarsimagaluarpaa.

Angut killisiorneqareernermi kingorna iperangaavoq, politiilli oqarnerat malillugu, kingusinnerusukkut eqqartuunneqaruni naatsorsuutigisinnaavaa 15.000 koruuninik akiligassinneqarnissani, taassumalu saniatigut ukiup ataatsip iluani pinerluuteqaqqikkuni ulluni 30-ani pinerluuteqarsimasut inissiisarfianniittussanngortinneqassalluni.

Politiit oqarnerat malillugu ikiaroornartoq hash 150 grammi aqqusinermi tunineqaruni 150.000 koruunit tikillugit isertitsissutigineqarsinnaavoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq