Julie Rademacher Nunatsinnut angerlalerpoq

Folketingemi ilaasortaq, Julie Rademacher, naligiisitaaneq pillugu Socialdemokraatinit oqaaseqartartoq, kalaallimik ataatalik, Folketingemut qineqqusaaqqinniarani aalajangerpoq.
juulip 13-at 2011 13:33

Julie Rademacher 23-nnarnik ukioqarluni 2007-imi Folketingemut qinersisoqarmat tupaallannaqisumik qinigaavoq, qinersisoqaqqilerpalli qineqqusaaqqinnianngilaq, nunatsinnut uterniarami.

- Ukiaru ernertaartussaavunga, Kalaallit Nunaannullu uteqqinnissara takorloortarsimavara. Tamannalu ernerma atualinnginnerani piviusunngortinniarpara, Julie Rademacher oqarpoq.

Aalajangerniarnerli ajornaatsuinnaasimanngilaq:

- Danmarkimi Socialdemokratit naalakkersueqataalernissaat ukiuni qulingiluani sulissutigisimavara, maannalu tamanna piviusunngulerunarpoq, taamaammat suliakka unitsillugit Kalaallit Nunaannut uternialerpunga. Kalaallit Nunaannilu politikikkut sulinera ingerlateqqissavara Socialdemokratit suleqatigisaanni, Siumumi, Julie Rademacher oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq