Julie Gnagsikkut atugaannik erinarsussaaq

Isiginnaartitsissut tusarnaagassiartalik "Danmark" Holstebromi Black Box Theatremi tallimanngorpat septembarip 30-anni takuteqqaarneqassaaq. Tassani rockimik nipilersortartut Gnagsikkut ukiuni 45-ni atuunnerminni atortagaat nuannarineqarnerpaat 30-t tunngavigalugit isiginnaartitsisoqassaaq. Nipilersukkat ilaatigut tassaapput "Den dejligste morgen i 100 år", "Slingrer ned ad Vestergade" aamma "De vilde kaniner".

Rappertartoq Clemens aamma isiginnaartitsisartut Birgitte Hjort Sørensen Karl Billelu Julie Berthelsen peqatigalugu isiginnaartitsissapput.

Gnagsikkut erinarsugaannik nuannarineqarluartunik erinarsuusiortup Peter A.G. Nielsenip Holsterbromi piareersartut alakkaramigit, qamuuna attortissimalluni aviisimut Morgenavisen Jyllands-Postenimut oqaatigaa.

- Julie Berthelsenip "Den dejligste morgen" erinarsoraa tusaagakku assorsuaq qamuuna attortippunga, allaammi qiasunnguummerlunga, a'assaa torrallakkaa, Peter A.G. oqarpoq.

Isiginnaartitsilluni tusarnaagassiaq "Danmark" oktobarip 15-iata tungaanut takuniarneqarsinnaasutut pilersaarutaagallarpoq.