Juliane: Pitsaanerusariaqarpugut

Suliffiit nunaqavissunit suliffiusinnaagaluartut nunatta avataaneersunit tigoorarneqarnerat pillugu Naalakkersuisut qanoq iliuuseqalersaarnersut, Inuit Ataqatigiit sinnerlugit Inatsisartunut ilaasortap Juliane Henningsenip apeqquteqaatigaa.

Nutaamik aaqqiisoqartariartoq, nakkutilliinerlu sakkortunerulersinneqartariaqartoq, Juliane Henningsen isumaqarpoq:

- Isumaqarpunga aaqqissuussaaneq allanngortariaqartoq, nakkutilliinerlu sakkortunerusariaqartoq kommunit suliassaq taanna ingerlatarimmassuk, Juliane Henningsen oqarpoq.

Nakkutilliineq sullissinerlu ullumikkutut isikkoqartillugu ingerlaannarnissaanik Naalakkersuisut siunnerfeqarnerat, Juliane Henningsenip naammaginngilaa. Avataanit Nunatsinnut suliartortut pillugit inatsit misissorneqaleruttorpoq, suliarlu ukioq manna nangeqqinneqassasoq Naalakkersuisut oqaatigaat. Tamannali Juliane Henningsenip aamma naammaginngilaa:

- Qanoq arlaatigut iliuuseqartariaqarpugut, uagut Nunatsinni nukiit pigisavut tamaasa atorniarutsigit taava suleriaatsivut tikisitsisarnivut allanngortariaqarput, Juliane Henningsen oqarpoq.

Suliffeqarfimmut suliffissarsiuussisarfimmit innersuussamut orniguttannginnermikkut namminneq pisuussutigalugu suliffissaaleqilersunut kommunit inatsisit naapertorlugit pisortanit ikiorsiissutissanik akiliuteqartannginneri qanoq annertutiginersut, Juliane Henningsenip apeqquteqaatigaattaaq, Naalakkersuisulli tassunga atatillugu paasissutissaateqannginnerarput, Juliane Henningsenillu tamanna ajuusaarutigaa, imatullu nangilluni:

- Tunuliaqutai suuusinnaanersut oqaatigeqqissaarsinnaanngilakka, kisianni ajornartorsiummut tigussaasumut atatillugu isumaqarpunga nakkutilliineq annikippallaartoq. Kommunit Naalakkersuisullu eqqartoqqissaartariaqarpaat suut sinaakkutigalugit sulinersugut. Inatsit taanna sukaterneqartariaqarnersoq aamma apeqqutaavoq, isumaqarpunga taanna anillaffiusinnaassasoq, Inatsisartunut ilaasortaq Juliane Henningsen oqarpoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat