Juliakkut ajugaanerat naggueqatitsinnut siaruaappoq

Naggueqaterput canadamiu Victoria Simigaq issittumi nittartakkami Siku Newsimi oqaluttuarpoq, Julie Berthelsenip erinarsoqatigiivisa ajugaanerat Canadami Alaskamilu iluarusuutigineqartoq.

- AllStarsikkut Kalaallit Nunaannuinnaanngitsoq, aamma naggueqatigiinnut Inunnut tamanut, erinarsorput. Kalaallit erinarsortartut taakku sapeeqisut kalaallisut erinarsuut 80-ikkut qiteqqunnerata missaanni saqqummersoq erinarsormassuk, danskillu erinarsortartut unammillerlugit, aammalu ajugaallutik, kissalaamit nuannaarnermillu tikinneqarpunga, taama sakkortutigisumik siornatigut misigisimanngisaannarpunga, Victorie Simigaq, Nuummi meeqqat atuarfianni ilinniartitsisuusoq, oqarpoq.

- Julie Berthelsenip erinarsoqatigiini nattoralittulli ataqqinarlunilu tulluusimaartigaluni katersorsimavai, inuillu kulturiat kusanaqisumik saqqummiullugu. Nunasiaanermit aniguigaluttualerpugut, nammineq oqaatsivut kukturerpullu nangaanata takutissinnaavavut, Siku Newsip nittartagaani, nunani issittuni tamani atuarneqartaqisumi allappoq.

Sapaatip akunneri AllStarsikkut erinarsorlutik peqataaffigisaat peqqissartinnertullusooq taavai, neriuutigaalu nunani tamani inuusuttut sunnerneqarsimasassut, namminneq nukimik kulturimillu upperinissaannut.