Johannep uippakajaalernissani aarlerigaa – maannalu sapaatip akunneranut akunnerit ikinnerusut sulisarusuttoq

​Sapaatip akunneranut akunnerit 40-t sulisaannassaagut – imaluunniit Danmarkimi ileqquusutulli akunnerit 37-nnaat sulisalissaagut?

Apeqqut taanna maanna ukkatarineqarluarpoq. Savalimmiuni naalakkersuisut nutaat sapaatip akunneranut akunnerit 37-t tikillugit sulisoqartalernissaa atulersinniarpaat.

Savalimmiuni naalakkersuisut isumaqatigiissutertik eqquutsissagunikku nunarput nunani avannarlerni kisiartaalluni sapaatip akunneranut akunnerni 40-ni suliffiusalissaaq.

Node link
Title
Naalakkersuisoq er åben for kortere arbejdsuge, men har ikke et bud på prisen

Demokraatineersoq, Anna Wangenheim sapaatip akunneranut akunnerit ikinnerusut sulisoqartalernisaanut piffissami sivisuumi oqaluuserinnittuuvoq – aamma suliffeqarnermut naalakkersuisoq, Jess Svane (Siumut) tunngaviusumik tassunga akuersaartumik inissisimavoq:

- Tassa Inatsisartut peqqusippata Naalakkersuisut uunga suliaqaqqulluta qulaajaanissamut, taassumalu atuutsinneqalissappat, atuutsinneqalernissaanut siunnersuummi saqqummiussaqaqqulluta, taanna soorunami suliarissavarput, taanna KNR-imut marlunngornermi oqarpoq.

Uummat kassuttoq
Tamannalu isumatsialaasoq Johanne Thorsteinsen aamma isumaqarpoq. Taanna Nuummi qitiusumik kigutileriffimmi kigutilerisumut ikiortaavoq, taanna sulinermini ulapittaqaaq. Kigutileritikkiartortoqartuaannarpoq, atortorissaarutillu tamarmik eqqilueqqissaartussaallutik.

- Ulluinnarni ulapittorujussuusarpugut, taanna KNR-imut oqarpoq.

Taannalu ulapittangaarami piffissap ilaani iluaalliulerpoq. Taassuma oqarnera naapertorlugu suleqatai arlallit aamma napparsimallutik nalunaarsimapput.

Node link
Title
Flere er pirret ved tanken om en 37-timers arbejdsuge: Vi taber vores børn

- Napparsimaneq annertusarpoq. Assut. Soorlu aamma uanga eqqarsaatigalugu napparsimallattaaleraluallarama immaqa stressengajannerup kingunerinik. Pikkunarpoq, Johanne Thorsteinsen oqarpoq.

Assi: KNR

Taanna taamaattumik nakorsiarpoq. Sulinngiffeqartitaanngilarli, taanna imminut maanna aqussinnaaneruleriartorsimalluni isumaqarpoq:

- Kisianni ulloqartarpunga aqussinnaavallaarnagu tilleruluttoorlunga.

Qasuersaarnissamut piffissaqarnissaq
Taamaammat sapaatip akunneranut akunnerit 40-t sulinani akunnerni 37-narni sulisarneq imminut iluaqutaalluarnissaa nalilerpaa.

Sapaatip akunneranut 3 timerujuk ilaquttatsinnut piffissaqarfiginerulerlugu taavalu uatsinnut inuttut eqqissinerussagaluarpugut immaqa soorlu weekendi eqqarsaatigalugu. Suli eqqissivallaarata ataasinngorneq aallarteqqittarpoq taamannak aamma ulapeqqilluni.

- Tallimanngornikkut ataatsimut soraataleraluaruttamigooq, taava eqqissinerulluta sapaatip akunnerup tullissaanut suliartoqqinnissatsinnut piareersimanerussagaluarpugut. Tassami nukissaqarnarnerussagaluaqaaq.

Pisortat suliffeqarfiinnaani sapaatit akunnerannut akunnerit suliffiusartut akunnernut 35-nut ikilissinneri 460 millionit koruunit missaannik naleqassasoq, missingiutitut kisitsinerup takutippaa.
Aningaasaqarnermut naalakkersuisup missingersuusiortuuvoq.
Jess Svanep (S) imaluunniit Anna Wangenheimip (D) suliffissap sivikillineqarnissaanut suminngaat aningaasanik aallertoqarsinnaanera eqqoriarsinnaanngilaat.
Politikerit marluullutik aalajangersimasumik siunnersuuteqartoqannginnerani misissuisoqartariaqarnerarpaat.