Joe Bidenip USA Parisimi isumaqatigiissummut WHO-mullu ilannguteqikkaa

Joe Bidenip præsidentip peqqussutai 15-it ullormi præsidentitut atuuffimmini siullermi atsiorpai. Atsiugaata ilaat USA-p WHO-mut ilannguteqqinnissaanut tunngavoq.
USA nunani siullersaalluni silap pissusia pillugu isumaqatigiissummi peqataajunnaarpoq. Isumaqatigiissut taanna nunarsuarmi nunat tamarluinnangajammik peqataaffigisaannik Parisimi 2015-imi ataatsimeersuarnermi atsioqatigiissutaavoq. Assi © : Jim Watson/AFP/Ritzau Scanpix
Allattoq Ritzau
januaarip 21-at 2021 08:02
Nutserisoq Andreas Wille

USA-p Parisimi isumaqatigiissummut ilannguteqqinnissaa taakkununnga ilaavoq. Nunat tamalaat nunarsuup kissakkiartornerata arriilinissaa isumaqatigiissummi tassani anguniagaraat. Donald Trump USA isumaqatigiissummut peqataajunnaassasoq 2017-imi aalajangerpoq.

AAMMA ATUARUK Bidenip USA silap pissusia pillugu isumaqatigiissummut WHO-mullu ilannguteqqilertorusukkaa

USA-p Keystone XL-imik taallugu uuliamut Canadap USAS-llu akornanni aqqutiliornissamut akuersissut, avatangiisinut allannguiniarlutik ilungersuussisunit isornartorsiorneqarsimaqisoq, aamma atorunnaarsippaa.

USA-p Parisimi isumaqatigiissummut qaammat ataaseq qaangiuppat ilannguteqqissaaq. Tassa imaappoq, USA isumaqatigiissummit novembarimi pisortatigoortumik peqataajunnaarmat isumaqatigiissummi tassani piffissami sivikitsuinnarmi peqataanngilaq.

AAMMA ATUARUK USA WHO-mit anivoq, aningaasallu allamut atorniarlugit aalajangerluni

USA nunani siullersaalluni silap pissusia pillugu isumaqatigiissummi peqataajunnaarpoq. Isumaqatigiissut taanna nunarsuarmi nunat tamarluinnangajammik peqataaffigisaannik Parisimi 2015-imi ataatsimeersuarnermi atsioqatigiissutaavoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq