Bidenip USA silap pissusia pillugu isumaqatigiissummut WHO-mullu ilannguteqqilertorusukkaa
Joe Biden USA-mi præsidentitut pingasunngornermi ivertinneqaruni ulapittussaavoq.
Donald Trumpip præsidentiunerani suliniutigineqarsimasut ilarpaalui atorunnaarsinneqarnissat Bidenip suliassaasa siulliit ilagigaat, Bidenip atorfilittai oqarput.
Nutaarsiassaqartitsivik AFP taama allappoq.
AAMMA ATUARUK Ajugaassangasup Bidenip USA-p Parisimi isumaqatigiissummut ilannguteqqinnissaa neriorsuutigigaa
USA-p silap pissusia pillugu isumaqatigiissumut Parisimi 2015-mi isumaqatigiissutigineqartumut ilannguteqqinneqarnissaa, Joe Bidenip tulleriiaarinermini pingaartitaasa ilagaat. USA isumaqatigiissummmut ilaajunnaassasoq, Donald Trumpip 2017-mi aalajangerpaa.
USA-p Naalagaaffiit Peqatigiit peqqinnissakkut suleqatigiiffiannut WHO-mut ilannguteqqinnissaa Bidenip aamma kissaatigivaa. Bidenip atorfilittai taama ilisimatitsisut AFP allappoq. Trumpip USA WHO-mi siorna ilaasortaajunnaarsippaa.
Joe Biden præsidentitut ullumi ivertinneqassaaq.